Bonas Festas a totu is Sardos

Bona Paschighedda e Bonu Annu Nou a Totu is Sardos dae s’Ufìtziu de sa Limba Sarda Sarcidanu Barbàgia de Seulu

Catturae.JPG

Advertisements

Biddanoa: Augùrios de Paschixedda cun is fotos de Babbu Nadale 2.0.

Gianteris in Biddanoa ‘e Tulu sa Biblioteca Comunale e S’isportellu linguìsticu ant postu in iscena sa cumèdia cun is buratinos a tìtulu “Babbo Natale 2.0” pro is pitzocheddos de sa bidda. Gràtzia meda a Francesca e Barbara Onnis.

Bonas Pascas e bona fine e mègius printzìpios dae parte dae is operadores de s’Istitutu de Istùdios e de Chircas Camillo Bellieni de Tàtari

Serri. Majas de Paschixedda

images.jpeg

Su Comunu de Serri in collaboratzioni cun sa Parròchia de Santu Basili Mannu, is Coop. alfaBeta e L’Acropoli nuragica, e is assòtzius Pro Loco, Gruppo folk “Santa Vittoria”, Coru polifònicu Voci in Musica e Youth Caravella presentat:

Majas de Paschixedda

 

Programa:

Cenàbura, 8 de su mesi de idas 2017

Imacolada concetzioni

  • 11 de mengianu: s. Missa

 

Sàbudu, 16 de su mesi de idas 2017

  • 5 e mesu de merì: s. Missa e a sighiri sa Novena de Paschixedda

 

Domìnigu 17 de su mesi de idas 2017

  • 4 de merì: s. Missa e a sighiri sa Novena de Paschixedda

 

Sàbudu, 23 de su mesi de idas 2017 

  • 7 mancu unu cuartu, in sa crèsia de Santu Basili Mannu: su de X Cuncertus de Paschixedda apariciadu de s’Ass. Coru polifònicu Voci in Musica

 

Domìnigu, 24 de su mesi de idas 2017

  • 11 de mengianu: s. Missa
  • 4 e mesu de merì: s. Missa de Vigìlia
  • Mesunoti mancu cincu: s. Missa de sa noti de Paschixedda

 

De su 21 a su 23 de su mesi de idas una surra de Babbo Natale ant a fari abisita a is pipius e a is bècius de sa bidda portendi in is domus sa cuntentesa e sa festa. At a essiri arregaladu a is famìllias su Calendàriu serresu 2018.

 

Lunis, 25 de su mesi de idas 2017

Dì de Paschixedda

  • 11 de mengianu: s. Missa

 

Martis, 26 de su mesi de idas 2017

Santu Stèvini

  • 10 de mengianu: s. Missa

 

Cenàbura, 29 de su mesi de idas 2017

  • 10 e mesu de mengianu, in su santuàriu nuràgicu de Santa Vitòria: cunferèntzia de abertura de sa Mostra Artecracy.eu: l’Arte contemporanea in Sardegna
  • Mesudì: abisita ghiada de su santuàriu nuràgicu
  • 4 e mesu de merì: inauguratzioni de sa Mostra fotogràfica in s’ex Monti Granàticu
  • 5 de merì: abisita ghiada de sa mostra. Una parti de sa mostra at a essiri allestia fintzas in su santuàriu nuràgicu

 

Sàbudu, 30 de su mesi de idas 2017

  • 3 de pustis pràngiu, in s’aposentu consiliari: premiatzioni de s’initziativa “L’Angolo Natalizio
  • 6 de merì: rapresentatzioni de su presèpiu biventi

 

Domìnigu, 31 de su mesi de idas 2017

  • 11 de mengianu: s. Missa
  • 5 e mesu de merì: s. Missa

 

Lunis, 1 de gennàrgiu 

Santa Mama de Deus

  • 11 de mengianu: s. Missa

 

Sabato, 6 de gennàrgiu 

Dì de is tres Urreis

  • 11 de mengianu: s. Missa

 

Su Sìndigu e s’Aministratzioni comunali donant a totus is augurius prus bellus aici po ci podi passai una Paschixedda bona e unu Annu Nou prenu de ònnia beni. 

 

Èsitu laboratòriu “Mamma Nadale”. Fotos.

Est andadu bene su laboratòriu “Mamma Nadale” aparitzadu dae s’isportellu linguìsticu e dae sa biblioteca comunale de Sàdili in s’iscola de s’infàntzia. Ponimus unas cantas fotos de s’atividade. Cras nd’amus a agiùnghere àtras.

Biddanoa. Mèrcuris sa cummèdia pro pipios “Babbu Nadale 2.0”

In ocasione de is festas s’Isportellu linguìsticu e sa Biblioteca Comunale de Biddanoa ant cuncordadu un’ispetàculu teatrale dedicadu a is pitzinnos de s’iscola primària. Si tratat de una cummèdia a tìtulu “Babbu Nadale 2.0” imbentada dae sa bibliotecària e dae s’isportellista, chi comente si cumprendet de su nòmene giughet pro protagonista a Babbu Nadale però acumpangiadu dae sa Befana (Pifània) e dae su nebodeddu Nanni. In su contu Nanni passat tempus meda gioghende cun su tzellulare, invetzes Babbu Nadale est contras a sa tecnologia e a is telefoneddos (is smartufonis, comente ddus tzerriat issu). Pifània faghet sa parte a su nebodeddu e a sa coa finas Babbu nadale at a cambiare idea a pitzu de custos istrumentos tecnològicos e s’at a furriare in Babbu Nadale 2.0

S’apuntamentu est pro mèrcuris su 20 de mese de idas a ora de is 4 de merie in sa biblioteca comunale de Biddanoa ‘e Tulu.

locandina biblio (3)-001.jpg

Seulu. Èsitu de su laboratòriu “Contus de Paschixedda”

Bene meda su laboratòriu “Contus de Paschixedda” aparitzadu dae s’Isportellu de sa Limba Sarda e dae sa biblioteca comunale. Su tema de s’atividade fiat su Nadale. Is pitzocheddos de sa prima e de sa segunda classe de s’iscola primària de Seulu acumpangiados dae is mastras issoro, ant iscurtadu e castiadu su contu furriedu in sardu e proietadu in su muru dae s’operadore linguìsticu a tìtulu “Mamma Natale” . A coa si nche sunt ispassiados cuncordende is billeteddos de augùrios de Nadale e pro s’annu nou. Gràtzias meda pro s’agiudu a is mastras e a sa fidutziària Rosanna Mameli. A nde fàghere medas àteros.
Sighent unas cantas fotos de s’atividade.