ÌSILI: aintru de su 21 de austu s’adesioni po is Curas Termalis de Sàrdara

Ocannu puru su Comunu de Ìsili pentzat a is tzitadinus chi tenint abbisòngiu de curas termalis (fangus, curas inaladòrias e cura de su surdìmini rinògenu) e organizat unu tziclu de curas po su mesi de Ladàmini de su 2017 in is Termas Antigas de Sàrdara. Po pigai parti, is interessaus ant a dèpiri pediri s’impenniativa a su dutori de famìllia e presentai su follu de iscritzioni, paris cun s’impenniativa, a s’ufìtziu de su protocollu de su comunu aintru de su 21 de austu.

Po ndi sciri de prus, custa est sa locandina po is curas termalis Sàrdara

3.1 curas termalis Sàrdara

Innoi su FOLLU ISCRITZIONI TERMAS

 

Stersili. Su 4 de austu sa de tres editzione de sa “Rassigna de s’Organitu”

S’Assòtziu Turìsticu Pro-loco de Stersili est pregiau de invitare a totus a sa segunda editzione de sa “Rassigna de s’Organitu”, in programma pro su 4 de austu a incumentzare dae is 22 de note in Gecas (Pratza Sant’Ignàtziu).
Ant a sonare is sonadores: Bernardino Boi de Stersili, Riccardo Congia de Stersili, Antonello Farris de Stersili/Pauli, Roberto Matzutzi de Sueddi, Andrea congia de Casteddu, Carlo Crisponi de Lodine, Carlo Boeddu de Nùgoro, Ignazio Careddu de Assolo, Giansilvio Pinna de Tzeddiani, Andrea puddu de Nurri, Ciro Deiana de Stersili, Mariantonietta Bosu de Otzana, Luca Melosu de Sèdilu, Alessandra Zizi de Nùforo, Michele Fulgheri de Nùgoro, Tania Fodde de Golòthene, Fabiana Meloni de Sarule, Matteo Pinna de Pauli, Simone Tolu de Atzara

In prus ant a partetzipare su grupu folk ” Sant’Antoni e su fogu” de Stersili e sos Tumbarinos de Gaboi paris cun is grupos folclorìsticos de Croàtzia e Argentina.

Pro àteras iscedas:

A.T. Pro-loco de Stersili -Tel: 3930500876 -Email: proloco.esterzili@tiscali.it

locandina rassigna organitu stersili.jpg

Stersili: èsitu laboratòriu de su “triateddu”

Est andadu bene meda su laboratòriu de mèrcuris su 19 de mese de argiolas a is 4 e mesu de merie in sa biblioteca comunale de Stersili. A s’atividade, abrontada dae s’isportellu linguìsticu e dae sa biblioteca comunale, cun s’agiudu de su SET e de Sergio Loi de sa Proloco de Stersili, ant partetzipadu pipios dae 5 a ia 10 annos, siat de Stersili, siat de foras (fìgios de istràngios in bacàntzia in Stersili). Is pitzocheddos, cun s’agiudu de is operadores, ant fraigadu unu teatru de paperi, s’iscenografia e posca ant leadu parte a sa rapresentatzione de s’isceneta cun is mariuneddas.

Arratza de scena!: laboratòriu teatrale cun is mariuneddas in Biddanoa

Mèrcuris chi benit , su 26 de mese de argiolas, in sa Biblioteca Comunale de Biddanoa de Tulu, ddoe at a èssere unu laboratòriu teatrale cun is mariuneddas pro pitzocheddos dae 6 a 11 annos. S’at a cumentzare cun s’abrontu de s’iscenografia de su teatreddu (fatu de paperi e de linna), posca s’ant a concordare is mariuneddas cun mìgias batzas batidas dae domo dae is pitzinnos, e pro finire ogna pitzocheddu at a dèpere imbentare de conca sua un’isceneta ispassiosa e dd’at a pònnere in iscena. S’initzitiva est apartitzada dae s’isportellu linguìsticu e dae sa biblioteca comunale de Biddanoa de Tulu.

Locandina Biddanoa Arratza de scena-001

stemma nurallao

COMUNU DE NURADDA

Pratza Matteotti n. 2 tel. 0782.815004 0782.815278 fax 0782.815328

08030 NURADDA 

 

Ufìtziu Servìtziu Sotziale

 

Rèdito de Inclusione Sotziale” REIS

L.R. n°18 de su 02.08.2016 -D.G.R. n°22/27 de su 03.05.2017

Fundo Regionale po su rèdito de inclusione sotziale

“AGIUDU TORRAU”

 

AVISO PùBLICU

Po sa presentatzione de is preguntas po pigare parte  a sa misura regionale de cuntrasto a s’esclusione sotziale e a sa poberesa

Presentatzione preguntas: de su 17.07.2017 a su 27.07.2017

 

 

Nuradda, 17.07.2017

Su Responsàbile de su Servìtziu Amministrativo

Su Sìndigu Rita Aida Porru

 

modulo_domanda_reis_

 

 

 

modulo_domanda_reis_

Nuragus. Istòria e costumàntzias

 

pastedGraphic.png

Chi ti capitat de abisitare is aposentos de is Museos Vaticanos, pintados in su Rinascimentu, firmati a castiare is cartinas  de is regiones italianas pintadas in is muros: as a agatare ca in Sardìnnia, intra is citadis prus de importu, nch’ est fintzas Valentia in agro de Nuragus. De Valentia, sito agiumae ismentigadu, est nàschida sa bidda nostra.

De Valenza ndi chistionant is scritores romanos prus de importu coment de Plinio il Vecchio, chi nòmenat Valenza in s’òpera sua Naturalis Historia e Tolomeo, chi in s’ Itinerario, arregordat su “Statio di Valentia”.

In su Medio Evo su Papa Onorio III (1216-1227)  s’ 11 de argiolas de su 1221 donat a su munsennore de Aristanis sa bidda de Nuragus cun sa crèsia de Santu Stèvene ( de s’anno 1000 in stile romànico), in s’interis  in su Codex diplomaticus Sardiniae s’ agatat uno acinno de importu: su 4 de aprile de su 1336 in su testamento de Ugone (giùdighe de Arborea) si lighet: “adjungimus feudo ville de Nuragus…”, “…villa nostra de Coni…”), amostradura crara ca finas Coni fiat una bidda de importu.

Suta de su Giudicadu de Arborea, Nuragus pigàt parte a su marchesado de Lacone, ma beniàt individuado coment de “Parte e Valenza” e a issa fiant riferimento is localidades de Geroni, Nuradda, Senis, Assolo etc.,  zona chi cun su tempus at pigadu su nùmene de “Valenza- Brabasciana”. Oe non si sciet poita, custu logu at pigadu su nùmene de Sarcidanu chi ponet a mesu solu una parte pitica de sa regione.

“…Cun diploma de su 10 de donniasantu 1479 su Viscontado de Seddori passat a Enrico de Enriquez e totu su distreto de parte Valenza”, “…fatu forte de cussa bìnchida ocupàt is regiones de Partemonte, Valenza, Monreale e Marmilla” scriet G. Manno in Storia di Sardegna.

Mancae non chi siat documentatzione istòrica suba de sa naschimenta de Nuragus, depemus credere a cussa traditzione chi narat ca Nuragus naschet po su trasferimento de sa popolatzione de sa tzitade de Valenza pustis sa pesta; custa ipòtesi est cunfrimada de su stùdio de sa prof.ssa Terrosu Asole chi sustenet ca totus is tzentros abitadus trasferidos tenint coment de antima unu sistema de fraigu pretzisu: unu sistema de rugas piticas chi nde stopant totus in unos canto de giassos mannos e comunos.

Fortzis su tzentru abitadu est nàschidu a ingìrio de unu nuraghe (pratz’e su nuraxi),  esistido finas a su 1955 e posca dorruto cando fiant fraighendo sa scola elementare.

Su tessinzu edilìtzio traditzionale cumpàridi partzido in bighinados chi funt abarrados is pròprios de is sègulos passados, difati mancae sa popolatzione ammanniessit non si faigànt domos noas, ma si partziant cussas chi teniant intra is fillos, nascendi aici domos cun tipologia “a corridoio”.

In is annos pustis de sa gherra s’ammànniat sa superficie fraigada sighendo a pumpiare perou una forma sub circolare a carcu, solu pustis is annus ’60, cun su fràigo de domos noas, sa superficie de sa bidda diventat circolare e inserrat sa zona prus arta puru (pratza de su nuraxi).

Nuragus duncas, foras de tennere una istòria comuna a medas atras biddas sardas, podet bantare de tennere reghines finas a su perìodo nuràgico (in su territòrio ,difati, nche funt facias a 30 nuraghes, intra de custos fintzas unu esalobadu).

Nuragus est fintzas su nùmene de su pirighinzu prantadu fintzas a sa metade de su sègulo passado. A sa fine de su 1800 si nde produsiat aici meda chi in is tzilleris de Nuragus si pagàt no po sa cantidade chi si bufàt ma po su tempus chi s’abarràt in su tzilleri.

Serri. Atòbios 2017

SU COMUNU DE SERRI FAGHET ISCHIRE CA TORRAT A ABERRERE DE OE SU SPORTELLU DE LìNGUA SARDA DE SU COMUNU.

SU SPORTELLU AT E ESSERE ABERTU SU MèRCURIS DE IS 3 A IS 7 DE MERì E AT A TRABALLARE IN SA BIBLIOTECA COMUNALE.

In su liòngiu agatades totus is atòbios de s’isportellu de su mese de argiolas a su mese de idas.

Atòbius Serri