Ìsili: scadèntzia contributus Impeditzus Architetònicus

Su Servìtziu Edilìtzia Residentziali de sa Regioni Autònoma de Sardigna at comunicau, cun annotu de su 18 de gennàrgiu 2019 Prot. 1797, sa scadèntzia de su bandu nou po s’assinnadura de contributus regionalis punnaus a ndi bogai is impeditzus architetònicus in fràigus privaus (L. 13/89 Annualidadi 2019).

Su tzitadinu privau depit fai referimentu a su Comunu (po su Comunu de Ìsili a s’Ufìtziu Tènnicu) presentendi dimanda aintru de su 1 de martzu de su 2019. Is preguntas chi ant a lòmpiri a pustis de custa data de scadèntzia no ant a pòdiri intrai in is contributus po s’annu in cursu.

Sa valutatzioni de is dimandas, segundu s’abbisòngiu de su tzitadinu, at a èssiri fata de su Comunu etotu, e a pustis de sa cumproa de regularidadi su Comunu at a trasmìtiri sa scheda a2/b a sa Regioni, ma no at a mandai is tzertificaus mèigus e is àterus documentus chi su tzitadinu privau at presentau in s’àutu de dimanda.

In sa scheda a2/b su Comunu at a pònniri siat is dimandas noas, siat cussas chi in is annus passaus non funt istadas finantziadas po mancàntzia de fundus. Su Comunu depit trasmìtiri sa scheda a2/b umperendi sa PEC ufitziali, a su Servìtziu Edilìtzia Residentziali de s’Assessorau de is Traballus Pùblicus, aintru de su 31 de martzu de su 2019. Custu tèrmini est òbbrigu e sentza de dilata, a pena de no amìtiri sa dimanda (fait fidi sa data de sa PEC), giai chi po lei sa Regioni depit trasmìtiri s’abbisòngiu totali de totu is dimandas a su Ministèriu de is Infrastruturas aintru de su 30 de abrili 2019 (comenti si previdit in s’art. 4.14 de sa Circulari Ministeriali 22 làmpadas 1989, n. 1669).

In casu chi is Comunus presentint una scheda a2/b non crara o non cumpleta, po no allentai o firmai su protzessu aministrativu a dannu de is tzitadinus (chi medas bortas sunfrint de disabilidadi grai) sa Regioni at a lassai foras cussas preguntas de sa graduatòria provisòria, ma su Comunu at a pòdiri sanai is fartas aintru de trinta diis de sa publicatzioni de sa graduatòria provisòria.

Su tzitadinu chi arricit su contributu tenit s’òbbrigu de comunicai in tempus sa data de incumentzu e cussa de acabbu de is traballus. Su tèrmini de un’annu po acabbai is traballus, inditau in sa nota n. 5094 de su 6/02/2017, si podit fartai feti cun pròrogas cuncèdias de su Comunu po mori de dificurtadi tènnica/aministrativa de s’interventu, comunichendiddas a sa Regioni innantis de sa scadèntzia.

Su Comunu est obbrigau a trasmìtiri a sa Regioni is datus de cuntrollu (monitoràgiu) de is interventus finantziaus in manera de permìtiri a s’Aministratzioni de averiguai su cumprimentu de is fainas e s’importu de is economias. Su cuntrollu est annuali e at a permìtiri su pagamentu de is contributus de parti de sa Regioni.

Totu is scedas, is documentus e sa normativa de referimentu si podint scarrigai de sa setzioni Sportellu Ùnicu de is Servìtzius (SUS) de sa Regioni, a s’indiritzu:

https://sus.regione.sardegna.it/sus/searchprocedure/details/304

Sa strutura responsàbili de su protzedimentu est s’Assessorau de is Traballus Pùblicus, Servìtziu Edilìtzia Residentziali, innui si podit pediri s’acessu a is àutus. Su Responsàbili Ùnicu de su Protzedimentu, segundu sa L. n. 241 de su 1990, est s’ing. Maurizio Pellegrino.

COMUNICAU CUMPLETU DE SA REGIONI

MODULU DE DIMANDA

DECRARATZIONI SOSTITUTIVA

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.