Sàdili: “Fragus e Saboris” in finali po is Oscar Green 2019

Cenàbura, su 20 de cabudanni in su Palàtziu Reali de s’ìsula de s’Asinara s’ant a fàiri is finalis regionalis de sa de 13 editzionis de is Oscar green, su prèmiu natzionali organizau de sa Coldiretti Giovani Impresa, dedicau a is agricultoris under 40 arrennoadoris, creativus e atentus a su sotziali e a sa sustenibilidadi. In su cuncursu s’ant a isfidai doxi imprendidoris agrìculus po ses categorias: s’azienda sadilesa Fragus e Saboris de Sardigna est in cuncursu po sa categoria “Impresa4.terra” impari cun s’Accademia Olearia de Alghero, numenadas po èssiri aziendas chi ponint impari traditzioni e arrennou umperendi is tecnologias noas.

Is àteras categorias funt: “Campagna Amica“, dedicada a chini promovit e avalorat is produtus Made in Italy donendi valori a su territòriu puru e umperendi sa trasparéntzia; “Sostenibilità“, chi premiat is aziendas chi promovint unu modellu de sustenibilidadi; “Noi per il Sociale“, oberta fintzas po Entis Pùblicus, Cooperativas e Cunsòrtzius capassus de traballai paris cun realidadis agrìculas a finis sotzialis; “Fare rete“, categoria destinada a is aziendas chi ndi pesant arretzas in cuncòrdia cun totu is sugetus de sa filera, in manera de perfetzionai su profetu po is aziendas agroalimentaris e po su consumadori; “Creatività” est su setori chi premiat is ideas noas a pitzus de is produtus o de is protzessus. Is 12 finalistas funt istaus sceberaus de una giuria de espertus de su setori e de imprendidoris agrìculus regionalis e natzionalis. Ocannu ant pigau parti a su cuncursu (s’iscritzioni si podiat fàiri aintru de su mesi de martzu) 43 aziendas de totu sa Sardigna e de totu is setoris agrìculus. Is bincidoris regionalis ant a cuntèndiri po sa finali natzionali programmada po s’atòngiu, e ddui ant a èssiri 18 aziendas po ses categorias. “Cenàbura eus a connòsciri su mellus de s’agricultura arrennoadora sarda proposta de is giòvunus”, narat su delegau regionali de “Coldiretti giovani imprese” Angelo Cabigliera -. Rapresentant totu is territòrius de sa Sardigna e medas bortas arribbant de is comunus de parti de aintru e de cussus chi sunfrint de prus s’ispopolamentu”. “Su sceberu de s’ìsula de s’Asinara”, narat su presidenti regionali de sa Coldiretti Battista Cualbu, “mancai siaus cuscientis de is dificurtadis organizativas e logìsticas, est in cuncòrdia cun sa lìnia de su prémiu chi pertocat is generatzionis noas sèmpiri prus atentas e sensìbilis cun progetus chi avalorant e difendint su territòriu e sa biodiversidadi. Seus arrennéscius a dd’organizai gràtzias a sa collaboratzioni cun s’amministratzioni comunali de Porto Torres, su Parcu natzionali de s’Asinara e sa cumpangia de navigatzioni Delcomar”. 

[artìculu cumpletu e fonti: https://www.facebook.com/168317113229302/photos/a.169359003125113/2513598128701177/?type=3&theater%5D

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.