Ìsili

Sa bidda de Ìsili nci atzuvat is arraixinis in is terras suas, e de cussas impunnat a su tempus benidori. Ìsili est logu de nuraxis, e non feti puita ca ddui tenit unu de is fràigus prus beni fatus de su tempus de is nuraxis – su nuraxi de Is Paras – ma prus che totu po sa presèntzia de is medas impilladas de terra anca s’intrèverant stòria e archeologia. Ìsili est logu de maistus de arti e sa cultura de custu logu est prena de sinnus de costumàntzias chi ndi benint de is tempus prus antigus. Ìsili est logu de ortus, poita ca sa positzioni geogràfica e sa calidai de sa terra, de s’àiri e de s’àcua faint is terras grassas e bonas po cultivai. Ìsili est logu de sport, non feti po is struturas sportivas modernas anca si podint fai atòbius internatzionalis, ma prus de totu poita ca custas terras funt una palestra naturali po chini si bolit mòviri e istai in saludi.

Advertisements