Ecomuseu de su Frumindosa de Susu

Est su primu ecomuseu abertu in Sardigna e s’agatat in Seulu, in sa Barbàgia Meridionali. Segundu una definitzioni reconnota e cumpartzia, s’Ecomuseu est “Unu acòrdiu intra de is Citadinus chi s’impinnant a tenni còidu de su Territòriu insoru, essendu cussu su frutu de sa relata intra de s’òmini e sa natura etotu”. Po cust’arrexoni, non s’eis a abetai unu museu clàssicu, unu fàbricu prenu de cosas allogadas, su patrimòniu de un’ecomuseu est fatu de s’istòria de is òminis e de is logus, de sa bidda e de su sartu, de is errius e de is
montis, de arregodus e de tempus benidori, de ospitalidadi, de saboris e de atra cosa meda. S’Ecomuseu est fundau a pitzus de is traditzionis de sa vida de monti e proponit seti percursus temàticus:

1) Su percursu de s’abba e de s’erriu, movendi de is arutas de Seulu a su monumentu naturali de Su Stampu ‘e su Turrunu (ligi innoi totu is inditus)

2) De sa bidda a su strumpu de”Sa Stiddiosa”, unu guturu de mitzadroxus chi movint de una arroca de carcari e nci arruint a su canali de Frumindosa, stiddiendi a sa sighia po totu s’annu e permitendi una crèscida de fìlixi totu a ingìriu de su canali (ligi innoi totu is inditus)

3) Su percursu geològicu e pastorali, truessendi is coilis de Nusaunu, innui s’Ente Foreste de Sardìnnia s’est ocupau de ndi torrai a pesai is domus tìpicas de is pastoris e is acorrus de su bestiàmini, fintzas a lòmpiri a su canyon sgavau de su Frumindosa

4) Su percursu forestali, in su padenti, fintzas a Monti Perdedu, arricu de mitzas e de arrastus antigus de biddas pastoralis. In su mesi de austu s’ecomuseu organizat una passillada a su noti, chi lompit a 1334 metrus, unu de is cùcurus prus artus de Sardìnnia.

Ònnia percursu permitit de passillai in àndalas curtzas, mesanas o longas chi andant beni po genti de ònnia edadi e esperièntzia, de is pipius a is bècius, a is prus espertus.
S’Ecomuseu est finantziau de sa Regioni Autònoma de Sardigna e de su Comunu de Seulu. Is operadoris de s’Ecomuseu faint unus cantu laboratòrius chi tenint comenti de argumentu is traditzionis agropastoralis e s’educatzioni ambientali: su laboratòriu de su casu, su de su pani, su laboratòriu de is giogus e de is giocàtulus de sa
traditzioni, su laboratòriu de su tessìngiu, su de archeologia, is
laboratòrius de orientamentu (“orienteering”).
Is operadoris de s’Ecomuseu funt:
Maria Carta, Francesca Ghiani, Fabio Puddu, Giovanni Ghiani, Giuliano
Moi, Giampiero Loddo, Elena Locci
Is abbisitas ghiadas e is laboratòrius si faint ònnia dia po totu s’annu,
seis pregaus de si prenotai andendi a su centru de acuglièntzia de
s’Ecomuseu.

Custu est su situ de s’Ecomuseu, cun totu is scedas e is cuntatus.

 

0001

0002

0003-1.jpg

 

0004

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.