Festival Rock A Fura 2014

 

rockafura

CANDU E INNUI:

De su 25 a su 27 de argiolas de su 2014 – Sàdili (CA)

ITA EST:

Unu Fèstival internatzionali de…

Mùsica ==>  duus palcus innui s’at a pòdiri gosai de medas e medas genias de mùsica rock: de su southern rock a su grunge, de su funky a s’hard rock, de su stoner a s’alternative e àteru ancora. In totu ant a pigai parti 21 grupus sardus, italianus e europeus in 3 diis de fèstival.

Natura e territòriu ==> unu fèstival chi tenit a cura s’ambienti e s’ecologia: non s’ant a biri in giru butìllias de umbirdi, tassas e pratus de plàstica. In prus, s’ant a agatai àreas ecològicas a disponimentu de organizatzionis e assòtzius chi traballant a pitzus de s’ambienti, de s’eco-sustenibilidadi, de is energias alternativas, de is deretus umanus. In s’eco-àrea s’ant a pòdiri prenotai escursionis in su territòriu de Sàdili e in is biddas acanta. S’at a pòdiri corcai in su campègiu aprontau in mesu de su padenti seculari chi s’agatat acanta a is ispantosas Grutas de is Janas. 

Arti e artistas ==>una parti de Rockafura at a èssiri dedicada a is ispetàculus: body painting, free painting, giocoleria, mangiafuoco, un’àtera at a èssiri po s’arti, s’artigianau de calidadi e su riciclu cun ammostas de pinturafotografia, àrea tattoo, installatzionis artìsticas e ammosta mercau. Sa scenografia de su primu palcu de Rockafura at a èssiri a incuru de Monica Lugas (Prèmiu Nivola), chi at a fai un’espositzioni a pitzus de is ùrtimus afundamentus de navis acuntèssius in su Mari Mediterràneu.

Coxina locali ==> po papai su fèstival proponit, in prus de is paninus chi s’agatant sèmpiri, unu sceberu de pratus de sa coxina tìpica sarda, in prus de is menù po vegetarianus.

Mobilidadi ==> Non ddui at a àiri problemas po parchegiai màchinas e motos, ma acanta de s’àrea po is cuntzertus ddui est un’àrea beni frunia po is chi bolint andai cun su camper. Is chi non bolint pigai sa màchina po lòmpiri a Rockafura podint prenotai is ROCKAFURA BUS chi ant a mòviri de is citadis prus mannas de s’ìsula.

Comunicatzioni ==> po ndi sciri de prus, po prenotai is billetus abbisita sa pàgina Facebook o puru su situ ufitziali http://www.rockafura.it/


Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s