P.AR.C. Paleo Archeo Centro

Su Paleo Archeo Centro est unu museu de genia noa, dinàmicu e beni arraixinau in su territòriu. Unu logu innui si podint istudiai fatus acapiaus a s’iscièntzia e a s’istòria, po ndi cumprèndiri s’importu chi ant tentu po sa formatzioni culturali  nosta e s’impreu chi ndi podeus fai in sa vida de ònnia dia. S’educatzioni, sa collaboratzioni cun is iscolas e s’universidadi, is atividadis de laboratòriu, funt totus obietivus primàrgius po s’atividadi museali de su P.AR.C
Su tzentru est partziu in tres setzionis:

–  Paleontològica
–  Archeològica
–  Didàtica

In sa setzioni paleontòlogica s’isterrint is cuncetus generalis de paleontologia e de geologia chi serbint a connòsciri s’istòria de sa terra. In custa setzioni s’agatat in mustra sa regorta de fòssilis de su territòriu. Totus is partis ddas at restauradas e classificadas su Dipartimento di Scienze della Terra di Cagliari e sa Soprintendenza per i Beni Archeologici di Sassari e Nuoro.

In sa setzioni archeològica si contant is iscobertas nuràgicas, pùnicas e romanas de su territòriu. Si podit ammirai unu plàsticu de su cùcuru de su monti  Santu Antine cun su fràigu de sa crèsia romana, is fortilesas pùnicas, su nuraxi e su putzu de orìgini nuràgica prus fungudu de sa Sardigna. Custa parti de su museu est cumpletada cun unu diorama 1:1 de su fundu de su putzu e cun sa còpia de is repertus chi ddui ant agatau aintru.

Su laboratòriu, innui sa teoria si fùrriat in pràtica. Ndi pigat un’aposentu mannu de su museu e si ddui agatant càscias e materiali chi serbit po ammostai comenti si fait un’iscavu paleontològicu e archeològicu, cun filmaus chi agiudant a connòsciri su traballu de s’archeòlogu e de su paleontòlogu. Una parti de custu ispàtziu est dedicada a s’atividadi manuali po fraigai is calcus, is còpias a paperi e po su stùdiu de is mineralis. In prus, in su laboratòriu ddui funt is ainas iscientìficas po limpiai e allogai beni is fòssilis: bìsturi, marteddeddus, iscrafeddus, micro-intacadoris e produtus po su fissàgiu.

Ddui at tres microscòpius scientìficus in pitzus de bangus verus de laboratòriu chi donant a custu logu un’àiri incantosa.

Is ispàtzius funt atretzaus cun proietori, televisioni, videoregistradori e collegamentu a ìnternet, si podit aprontai unu sistema de proietzioni vìdeo chi movit de unu computer o una telecamera.

Su P.AR.C. frunit totu is ainas didàticas, is ischedas e su materiali documentàriu.

Abbisita su situ ufitziali de su P.AR.C. ==> http://www.parcgenoni.it/

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.