Serri. Curas conventzionadas in is termas de Sardara.

COMUNU DE SERRI

Curas Termalis a Sardara

   

Curas inalatòrias

FUNT OBERTAS IS ISCRITZIONIS PO IS CURAS TERMALIS IN IS TERMAS ANTIGAS DE SARDARA.

 

Est una oportunidadi po bandari a su Tzentru Termali po fari unu tziclu de curas, cun biàgiu de Serri a Sardara ònnia dì.

S’atividadi s’at a fari de su 29 de aprili 2019 a su 11 de maju 2019, a pustis pràngiu; is datas de is atividadis ant a pòdiri èssiri cambiadas po arrexonis organizativas.

Su servìtziu est pentzadu po is tzitadinus residentis in su Comunu chi tenint abisòngiu de curas termalis ( terapia cun su ludu, cura inalatòria, cura po sa surdesa rinògena, etc…).

Su tziclu de is curas at a durari po 12 dis, de su lunis a su sàbudu, po duas cidas de sighida, foras su domìnigu.

Is curas funt conventzionadas cun su Servìtziu Sanitàriu Natzionali:

• chi tenit prus de 65 annus non depit pagari su ticket;
• chi non ddus at ancora fatus, depit pagari sceti € 55 in deretura in is termas.

Po pòdiri pigari parti tocat a:

1. bandari a su dutori de famìllia, chi depit atestari sa patologia, po s’impenniativa de cura;
2. prènniri su mòdulu de pregunta chi s’agatat in su Comunu e ddu torrari a cunsenniari, cun s’impenniativa alliongiada, intra su 15 de martzu. Pustis de custu trèmini is preguntas ant a èssiri arricidas chi nci funt ancora postus a disponimentu.

   

   Terapias cun su ludu

Po bandari, at a èssiri apariciadu unu pullman deretu chi ònnia dì at a portari is utentis de Serri a is termas. Sa cuota de contributzioni po onniunu, po su biàgiu de andada e torrada, est de € 55,00.

Pustis de is adesionis ant a èssiri comunicadus totus is de su servìtziu.

Is preguntas s’ant a arriciri in òrdini de arribu e funt a disponimentu 30 postus po is terapias cun su ludu e 30 postus po is curas inalatòrias. Cussas in prus ant a èssiri postas in lista de atesa.

Chi non s’arribat a su nùmeru de preguntas mìnimas, su servìtziu no at a pòdiri èssiri ativadu.

Innoi su mòdulu de iscritzioni.